Psalms 2
1Kungani izizwe zixokozela,labantu besakha amacebo ngeze?
2Amakhosi omhlaba ayahloma ajame
lababusi bahlangana ndawonye
bemelana loThixo njalo lalowo ogcotshiweyo wakhe besithi;
3“Kasiwaqamuleni amaketane abo,
silahle izibopho zabo.”
4Yena osesihlalweni ezulwini uyahleka;
uThixo uyabahleka.
5Abesebakhalimela ngolaka,
abathuthumelise ngentukuthelo yakhe, esithi,
6“Sengiyibekile eyami inkosi phezu kweZiyoni,
intaba yami engcwele.”
7Ngizasimemezela isimiso sikaThixo :
Wathi kimi, “UyiNdodana yami;
lamhla sengibe nguyihlo.
8Cela kimi,
ngizakwenza izizwe zibe yilifa lakho,
imikhawulo yomhlaba kube yinotho yakho.
9Uzazibusa ngentonga yobukhosi eyensimbi,
uzazibhidliza zicubuzeke njengebumba.”
10Ngakho-ke lina makhosi, limukani,
liyaxwayiswa lina babusi bomhlaba.
11Mkhonzeni uThixo ngokumesaba,
lithokozele umbuso wakhe ngokuthuthumela.
12Ikhothameleni iNdodana, funa ithukuthele
beselibhujiswa endleleni yenu,
ngoba intukuthelo yakhe ingavutha ngesikhatshana.
Babusisiwe bonke abaphephela kuye.
Copyright information for
NdeBEN